陳雲：香港民主派對民主中國係葉公好龍，好似性幻想咁

發達啦  26/5/2012 3:0 hkgolden

Q：陳雲教授你特別講到一樣嘢，大家聽落身邊原來唔少民主派嘅支持者好似好戇居，唔少人去六四，民主派嘅人一定嗌口號：「我地要建設民主中國！只要中國有 民主，香港就有運行喇！」因為中國已經民主咗。你講到大家根本上推動哩個目標，全部做曬戇居傻仔，同自己香港人利益相違背。

陳雲：係架！中國民主咗，你係一個質素好高嘅民主先至有運行架啫；質素差嘅民主，一係問你攞錢，一係議會Ｄ政策經常變來變去。香港成為左民主中國 一份子嘅時候，唔可能再保存住特區嘅特權，因為民主左之後，大家都係平等，都係同一個省市，同一個國民身分，要負好多責任。到時香港700萬人係一個好細 嘅數目，同埋香港係南方，南方一向俾北方政治欺壓，所以到時香港係唔掂架！


Q：「香港城邦自治運動總綱」提到：

「一旦中共轉型為民主政黨或中國因為中共倒台而急速民主化，香港的一國兩制的國中之國的那種類似政治特權的安排，不一定會被民主中國政府接納，或 者起碼會重新用民主中國的格局來考量和安排。以香港有限的地方議席力量，並不一定能遊說議會保護香港的一國兩制，民主中國政府絕對可以通過議會的民主程 序，取消香港的一國兩制，要求香港開放邊界、向中央繳稅、支付軍費和負擔議會通過的特殊稅捐，並取消香港的國際身份。這將影響甚至危害到香港人的生命財產 和文化生活。」

民主中國政府，陳雲教授講到好得人驚喎！


陳雲：一個民主政治嘅內涵，其實係睇國民嘅質素，同埋政客嘅質素。我睇唔到大陸哩一批嘅領導人，或者搞社運嘅人，有哩個質素。中國搞社運嘅人係有 限，所以主要睇個批領導人、官二代、富二代，第一，佢地有咁嘅質素；第二，佢地嘅選民有咁嘅質素。但係佢地嘅選民，你見到係哩D中國選民就係覺得香港歷來 攞左大陸好多着數，覺得香港嘅繁榮係大陸俾好多錢、好多支援、好多捐獻、送生意俾香港，香港先有今日。第時民主左，梗係攞番你香港D利益番來，老奉都要攞 番，香港要還添呀！


Q：陳雲教授覺唔覺得香港嘅人，包括泛民嘅人，buy唔buy你哩種中國有民主係對香港自己人不利嘅睇法呢？

陳雲：我估佢地睇完會諗下。不過佢地對民主中國好似葉公好龍，未見過條龍，以為條龍好乖，條龍一出來一啖就食咗佢地。因為佢地以為民主中國唔會出現，咁佢地咪噏極都噏，好似性幻想咁。但一旦性幻想嘅女人出來，就榨乾你。


Q：唔會有人話陳雲教授你講得太誇張係咪被害妄想症？

陳雲：你見過民主中國嘅例子架喇：孫中山時期、袁世凱時期、台灣晌李登輝之前嘅時期，都係民主嘅中國，你見過個情況係乜嘢樣架喇──佢係點樣對付 果Ｄ原住民，點樣對付以前果Ｄ受過日本殖民統治嘅人，你會睇到架，唔准你講廣東話，佢可以通過議案：「普通話係全國嘅語言，簡體字係全國嘅語言，點解香港 要保留哩Ｄ嘢。」以前香港人係好彩，港英幫香港keep住正體字和廣東話。同一個道理，同蔣介石迫害Ｄ原住民一樣，迫害以前親日果Ｄ人一樣。


Q：「中國有民主，香港冇運行。」陳雲教授你有冇信心多人buy你哩句呢？

陳雲：醒目嘅會buy。香港人一向以為民主係好嘢，但你係有質素嘅民主先係好嘢，你唔係好似菲律賓、巴西果挺、甚至好似意大利果挺劣質民主。你係 要有負責任嘅政府，高質素嘅選民，政黨之間係服膺人權，同埋最重要嘅係──憲法締造嘅時期，各個邊區嘅民族和特殊地區嘅人有權去締造憲法去保護自己嘅利 益。如果一旦係締造憲法嘅過程入面，西藏、新疆、或者係一Ｄ少數民族、香港、澳門哩Ｄ特區，晌締造憲法嘅過程中蝕底、或者完全係被動，因為人數唔夠、軍力 唔夠冇軍事力量嘅時候，俾人立一個好差嘅憲法，香港就大鑊。你冇一個自治嘅交涉力嘅時候，你係冇辦法締造到一個保護到香港利益嘅憲法出來。其實係好明顯 架，你憑乜嘢立一個憲法來保護香港，你得果700萬人，軍隊又冇，睇中國歷史就知。

（Q：到時香港就要開放邊界，向中央繳稅……香港人生命財產，文化生活都會受影響）

中共的變局，不出四種，香港的自治局面也要因之而調整：
　　
1.中華民國化: 共產中國已經意識形態破產，大陸階段的中華民國形象曖昧，可塑性強，但畢竟有憲政民主的期許，中共採取民國的訓政政策，取得台灣許可，取回中國民國國號，脫共化而維持平穩局面，台灣政體獨立與大陸結成邦聯，此所謂大政奉還中華民國。
　　
2.軍國主義化：中共加強壓制民意及灌輸愛國主義，用對外擴張來化解內部憤怨。除非中華民國化取得成效，國族意識熾熱，否則中共國人欠缺愛國精神，難以做到軍國主義，但可以做到滑稽版的，也夠釀成災難的了。
　　
3.拉丁美洲化：各地政府坐大，貪污腐化，政府與幫會勾結為惡，財閥外逃，中央政府的政令不出京門。通脹失控，民不聊生，槍火四散，流寇遍地。
　　
4.分裂割據化：中央潰散，共黨敗亡，官員夾帶私逃，中國邊區分裂獨立，各區軍閥蜂起，勾結外國勢力，據地稱霸。中國再度進入南北朝，滿洲崩潰之 後的割據狀態過早完結，可以再來補償一次。當然，分裂割據之後，各地可以用自治的權力形成結盟的本地力量基礎，完成真正的聯邦立憲。
　　
當中，一和二可以連貫進行，三和四可以是發展階段之別，最終回到一，民主中國是走不掉的現代國族建立過程。以大陸的頹唐之勢，最有可能的是陷入拉 美化。不論何種變局，不論在民主議會內爭權、在亂局中自保，香港自治是香港城邦的生命基礎，但要達到自治，香港人要有足夠心理準備，不能總是抱持民主回歸 論，即使中國大亂、四分五裂，某些香港人還要效忠中國，只圖報國，不求自保。