中門大開：禍福難料

鄭汝樺 Eva應該會離開官場，正是典型劣幣驅遂良幣結果。佢同林鄭分別係一樣係硬淨之人，但 Eva就手段圓滑得多，唔會隨便發難砌自己人。林鄭身為發展局長，下邊有唔少署歸佢管轄，亦要同不少政策局合作。但她以為自己最叻，其他局奉旨要撐佢，否 則就視為對頭敵人，或懶散官僚，所以在政府內部四處樹敵。

CY借林鄭高民望「碌卡」

至於振英是否對她官場口碑一無所知？非也，振英算盤只是借林鄭高民望來「碌卡」，至於是否委以重任，推動施政，未必。首先在九七後特首強、政務司弱之勢已 成。舊港督冇政綱，冇得問責，超然於本土政治，所以才推布政司站台前。肥彭就更毒，為向北京推銷行政機關原班過渡，大吹大擂，將公務員捧上天，為陳太造 勢。

回歸後董陳之爭，主因係董大有為施政，充滿宏觀戰略性思維，吹到天花龍鳳，但執行起來無法配合公務員一套資源分配程序，陳太成為代罪羔羊。到 董連任後，推行問責制，意圖建立自己政治班子，取代保守政務官，結果新班子表現浮躁，無章法可言，23條一鋪清袋。當時煲呔任政務司，也是投閒置散，準備 執包袱走人。至曾上董落，頭兩年許仕仁回巢當政務司，權力已移至特首辦，唐英年時代也如是。

政務司虛位化，歸根究柢，並非乜嘢現任特首猜忌下任儲君，互相爭權所至，而係當特首有自己一個施政藍圖，要向中央及本土民意交代負責，必然會越站越前，快速回應，爭取高民望。

政務司退居幕後

政務司角色變了 House Keeping，先擺平政策局之間內部爭拗，做好協調及溝通，其次係幕後同建制派摸底，作政治游說拉票，確保出台時政策法案有足夠支持力，至於掌聲就應留予特首。

上述工作都係要低調，高超政治手腕及靈活走位，而非羅范、葉劉、林鄭一門路數。若明白當中遊戲者，以低民望為由棄用林 D9已非高明，起用新面孔作政務司也應是鄭汝樺，而非目中無同僚的林鄭。

添馬男