目中無人

陳智思及一班古諮會集體請辭，表示對事件政治化感到意興闌珊，理由幾好笑。
政府山保育一開始便是政治事件，成件事本質係政府山是殖民地政治中心，而唔係邊一座有乜嘢現代主義包浩斯風格、邊一幢冇風格去決定。一係成個山拆遷，一係全部留低。

政府山見證英殖歷史

正如澳門歷史舊城區申遺，係成個區去做，而非逐一評級再申請。政府山的價值是政治歷史，並非建築歷史，究竟甚麼人千方百計要破壞政府山完整性？當然是想洗刷殖民地歷史的人。

林 鄭粗暴地在古諮會評級前宣佈必拆立場，引致古諮會主席陳智思被保育團體質疑同林鄭眉來眼去打龍通，表面證據成立。林鄭為求拆卸西座，連自己人陳智思一併 「送一程」，在她眼中只有自己，一將功成萬骨枯，從來就是她的政治手段，你話日後受她管轄的局長會點睇？

事件鬧大　抽水王褪軚

西座由始至終係冇必拆理由，中環欠甲級寫字樓用地不成理由，如果係林鄭又保留中環街巿唔拆，擺明自相矛盾。必拆只有一個理由，就係將整個政府山挖走一忽， 將其政治歷史地位破壞。當年佢拆走皇后碼頭，日後即使原地重置已完全失去歷史價值，今次保育團體不容易受騙，大家正睇佢點樣硬拆西座。

家公眾關 注大大提高，要同林鄭開戰，第一步係先要爭取古諮會將西座評為一級，推翻上次陳智思決定性一票開綠燈的結果。然後要將事件鬧大，令振英清楚知道強拆西座的 政治代價。抽水政客冇甚麼原則可言，只係睇政治成本，當要付出不成比例的代價去拆除西座後，自然要打倒昨日之我。對付目中無人的政客，就係咁簡單。

至於覺得委屈的古諮會請辭者，廚房太熱，離開也無妨。他們連譴責林鄭粗暴手段的力氣也欠奉，只識扮委屈，又怎能期望佢哋會捍衞香港殖民地歷史政治中心呢？


添馬男