落後生產力 - 振英

好多人認為振英狼，毫不尊重程序公義，我認為佢唔係狼，係 Out！

早講過八十年代走親中上層路線之人，對成功的「香港模式」不屑一顧，他們胸懷祖國、放眼世界，惟獨是香港，佢哋冇興趣去研究，因為殖民地模式就是剝削，壓迫人民，有甚麼好研究。

在 他們的認知世界，香港成功非關香港管治，而是背靠祖國，或只是世界體系下的國際分工。老董係第一個人辦，上海航運世家又點會睇得起小小殖民地，佢自小已拖 住董浩雲周遊列國，見盡各地權貴精英，佢同振英有共同毛病，就係講咗當做咗，以為講完所有嘢就會在某一天自動發生。

 

親中陣營不懂香港模式

從無興趣研究治理香港嘅親中人物，一心只沉醉於國家苦難與崛起，關心神九插入天宮多於香港政務官大逃亡。回歸十五年，香港體制已經歷了相當大變化，又比當 年殖民地體制有所改變。在城巿規劃上引入更多法定上訴程序，保障少數權益，任何公務工程規劃，均需要符合法定要求，亦要細心操作整個過程，以應付經常出現 的司法覆核。至於議會亦非簡單二分法，只要建制派舉手舉贏泛民，一切就可上馬。十五年來議會已形成自己的意志及規律，不分黨派，亦不以西環之意志而轉移。 以重組政治角力為例，任何黨派也不敢過態，包括曾鈺成。而建制派更非鐵板一塊，亦不是全靠西環，始終佢哋亦要面向選民。

 

施政靠議會角力和程序

我好懷疑振英對此究竟有幾了解，抑或早已用「積非成是、蹉跎歲月」八字真言總結了十五年來香港模式。政治是一門工藝，政客要推動施政，並不能靠一本簿一支 筆及一張凳做低水平的 Kissing Baby Show，而係要用心機去進行程序及期望管理，包括常秘政務官、媒體、政黨及議會。佢一句立即叫停雙非，有叫座力，但要付出重大政治代價，這些方法可一不 可再。但他食髓知味，在重組一役以為靠把口，其他人就會自動配合埋位，結果狠狠地食了一棍。

如果佢識反省，低位入，醒定定，仲可捱多一陣，反之振英又再諉過於人，又係毓民、葉劉、泛民、林 D9、煲呔嘅錯，只會死得更快。靠愛國、口號、空想，點可能管得好香港。
添馬男