以前啲人成日笑話曾特首 also known as曾爵士，會學足佢當年跪喺度接受頒發爵士銜頭俾佢嘅英國佬咁，為接手嘅執政集團埋下地雷。孫柏文真係估唔到，到咗2012年嘅今日，我信。
大 家睇開《金手指》咁多年，都知道我同班喺獅子山學會嘅同志們，極反對我哋叫嘅「政府支配營商法」、即政府叫嘅「競爭法」。雖然我哋講過好多次，話當你賦予 啲官咁大權力時，又有「高官退休搵真銀」嘅風氣，呢條法例將會好似外國經驗咁，淪為大財閥打壓新晉或外來競爭者之最有效工具。
立法會內最支持呢條法例嘅，係由湯家驊帶領、如無意外今年立法會選舉將會大敗（你估得高官退休搵真銀嗎）、最排外嘅大律師群，佢哋將成為最大贏家。而草案最致命嘅地方，係豁免政府機構。你估到時政府會搞幾多呢啲機構出來做生意，為前高官退休後攞天價人工？
喺呢啲玩法例嘅零和遊戲裡，有贏家就有輸家，「人民力量」就係睇穿呢條法例會更鞏固財閥、權貴地位，所以先使出拉布戰。
最廢嘅係班前任及現任自由黨功能組別議員，喺人民力量已提供 Political cover政治掩護下，都唔識跟勢殺掉呢條草案，都唔知佢哋嘅無能係咪反映佢哋班選民嘅低能。
大 家睇開《金手指》咁多年，都知道我同班喺獅子山學會嘅同志們，極反對我哋叫嘅「政府支配營商法」、即政府叫嘅「競爭法」。雖然我哋講過好多次，話當你賦予 啲官咁大權力時，又有「高官退休搵真銀」嘅風氣，呢條法例將會好似外國經驗咁，淪為大財閥打壓新晉或外來競爭者之最有效工具。
立法會內最支持呢條法例嘅，係由湯家驊帶領、如無意外今年立法會選舉將會大敗（你估得高官退休搵真銀嗎）、最排外嘅大律師群，佢哋將成為最大贏家。而草案最致命嘅地方，係豁免政府機構。你估到時政府會搞幾多呢啲機構出來做生意，為前高官退休後攞天價人工？
喺呢啲玩法例嘅零和遊戲裡，有贏家就有輸家，「人民力量」就係睇穿呢條法例會更鞏固財閥、權貴地位，所以先使出拉布戰。
最廢嘅係班前任及現任自由黨功能組別議員，喺人民力量已提供 Political cover政治掩護下，都唔識跟勢殺掉呢條草案，都唔知佢哋嘅無能係咪反映佢哋班選民嘅低能。
特首埋下地雷
點都好，曾特首埋下嘅地雷，就係香港有好多冇乜生意嘅80後律師、大律師，佢哋大把時間同仇恨保皇黨，亦知保皇黨嘅死穴就係本港中資機構提供嘅奶水。相信 有呢條法例後，將會不斷有人「報案」話呢啲在港中資機構違規。中資公司出咗名唔識玩香港司法制度（起碼蘇錦樑唔識打），今次佢哋將會踩地雷踩到應一應。唔通你估呢條法例喺曾特首臨卸任前先攞出來，真係咁啱得咁橋？
孫柏文
沒有留言:
張貼留言