中門大開：一左二窄大敗局

梁振英召集一眾梁粉到禮賓府，呼籲梁粉們要主動出擊爭取輿論，指目前輿論並不反映民情。最近一眾梁粉已出動，為下星期發表施政報告做「期望管理」，發表睇 淡言論，先降低公眾期望，表表者乃何喜華，佢一方面完全配合梁振英政治宣傳工作，另一方面仍否認自己係梁粉，目的只有一個，就係重建自己在傳媒間已被質疑 之公信力，因為任何人一旦貼上「250梁粉」標籤，即使講到天花龍鳳，亦沒法取信於記者，何喜華便等如廢咗武功。

梁粉欠公信力，空群出動只會越噏越出事，上次啟德滅體育城事件，已顯示梁粉造勢不可靠，無人信服。大家只要細心分析，便知道一左二窄「梁粉病」已成為當前 政治危機根源。梁振英組成少數派政府後，一直用鬥爭思維處理公務，此之「左」。至於窄，有兩方面，一係用人「窄」、偏頗，不斷分派公職予梁粉，黃玉山、羅 康瑞、林筱魯都算，派到畀競選辦「知己」鄧淑德，就連梁營也有意見。佢當選後大言炎炎話今後再無梁營唐營，只有香港營，原來又係大話。其實早在就職前已暗 中吩咐高靜芝負責去分派政治酬庸予梁粉，上次邵善波鬧出風波後，林鄭上立法會一派謊言緩兵之計，大家從最近一連串公職任命已見當中「政治運作」。劉夢熊公 開表明不當梁粉，原因亦同梁粉們利益分配不均有關。

用人偏頗　自我中心

第二窄乃政治胸襟狹窄，以我為主。元旦挺梁大遊行所以爆出公廁250元交易醜聞，根本原因係梁企圖另建政治組織系統，連傳統建制派樁腳組織都唔用，改用更 落後之鄉紳、街坊會、新移民、自由行、MK金毛職業示威者，你話死唔死，香港政治惡質化由梁振英而起。民建聯工聯至少係跟香港一套政治文化及規矩辦事，頭 面人物又係議員，唔會太離譜。本來政府有分區民政事務處、地區政務專員、分區委員、分區滅罪、社區領袖、地區校網學校校長老師等人脈系統可用，但梁明顯不 信任政務官，7月上台一連串地區諮詢show，已飛起地區專員。民政系統亦係社會主流，言論水平及政治精神面貌，均優於「愛港力」、新移民、MK金毛及狂 躁阿叔，至少唔會俾記者「藐」。

政治上梁已陷入自己製造的危機，理應主動擴大統戰工作，多攏絡政務官集團，新力量網絡等溫和中間派、主流工商專業人士，以擴大政治基礎，靠梁粉用梁粉，後果將是進一步孤立，四面楚歌，結果在左傾鬥爭思維下，更加只敢用梁粉，如此大敗局，是有其必須性。

添馬男