梁振英與黑波攜手將粉嶺私立大學計劃喝停，將用地改去起樓，正引起內部大反彈。振英向上面承諾三年搞掂房屋問題，又係托大，如果將單身輪候公屋人士計算在
內，到佢四年半後落台，相信都冇可能搞得掂。住屋問題當然重要，但也絕冇可能要所有政策讓路，唔通香港人除咗住屋需要，就冇其他需要，而政府只要討好基層
市民，就唔需要理中產教育需要？
振英思維類近毛澤東
現政府呢種施政作風，並非有效率，急巿民所急，而係先急後亂的民粹主義模式。梁 振英明知政府處事有既定程序遵守，要改變任何決定，均有一定程序，包括要取得相關政策局共識。據悉今次推倒重來，未經發展局及教育局內部討論，同啟德推倒 體育城詭計一樣，先放風，在外邊做勢，然後製造既成事實，將巿民住屋與教育需求對立起來，等如當日將住屋與體育運動需求對立，挑起人民內部矛盾。無厘頭將 「建屋」與「大學學額增加」變成二揀一，呢種施政手法極之乞人憎。
中國五十年代一切發展已上軌道，按五年計劃落實，殊不知毛澤東認為此乃官僚主 義，積非成是，決心打破官僚主義及決策程序，在上海另立司令部，發動文革，利用青年紅衞兵，發起群眾運動打碎官僚機器，以「無法無天」為施政方式。文革極 左路線對中國帶來嚴重破壞，當然梁振英冇能力搞類似大規模群眾，打破官僚體制，但佢嘅思維模式極之接近，一心想討好群眾，利用群眾去搞政治。
呢種操弄政治手法，會不斷製造人民內部矛盾，撕裂社會，自己製造敵人，香港本來並非搞意識形態政治之地，過去有政治爭拗，也唔會變成你死我活之爭，吵鬧一輪便尋求妥協出路。
深紅政客當特首，用共產黨早已放棄的手法去施政，香港人將為此付出沉重代價。
鄧小平一生堅持防左，回歸以來中央主管港澳事務官員，也一直防止左毒禍港，可惜過去一切努力都已經白廢，今日當權派以及黨羽鬥爭意識強烈，以挑起人民矛盾作施政手段，呢次左毒發作，後果實在係可大可小。
添馬男
沒有留言:
張貼留言