Odd Man Out

十八大一中全會胡主席出人意表交槍，令人產生無限聯想，昔日老江交槍後，董建華腳痛下台，今日老胡提早兩年半交槍，不再留任軍委主席，難怪CY痛腳四周傳，要王光亞出面闢謠。

今 次阿爺大執位，打破了一貫勢力平衡，江系太子黨上海幫入政治局常委，團派接班人只留下一個李克強總理，汪洋、李源潮上唔到。在內地人眼中，江系人馬擅搞經 濟及對外關係，團派則抓意識形態搞政治，就好似民主共和兩黨，一派講理念，但冇執行力，一派講經濟，但保守。江澤民三個代表論，容許資本家入黨，對香港也 以大孖沙利益為先。相反胡主席時代同香港大孖沙關係疏離，CY以扮基層扶貧反地產霸權形象獲個別領導人賞識，打殘了本地商界所推舉的唐英年，種下了特區政 治不穩的禍根。

CY冇朋友兼冇人識

CY同團派志趣相投，有相似地方，因為佢根本唔識經濟，攬住件炒家林奮強驚為天人就當國師，對國際金融更係門外漢。江派及太子黨人馬見多識廣，同CY根本 唔啱傾，反而同唐營人馬如白頭佬任志剛、金管局陳德霖、曾系人馬曾俊華就有共同話題，好似王岐山，點可能睇得起我哋呢位土炮特首，講乜嘢「內交」、「體外 經濟」，自創名詞得個odd字。跟手又配合前港澳辦官員陳佐洱、魯平抓「港獨」，搞意識形態鬥爭，令香港人心惶惶，同過去六、七年中央治港方略大大不同。 過往曾蔭權同內地官員交往，賣點係有國際人脈，多得早年任財爺，又打過大鱷，國際組織如APEC、WTO、世銀、IMF官員都知香港有個Donald Tsang，佢可以同拉加德同台演講，CY，Sorry，真係冇人識，孤獨到冇朋友。中央大員早非吳下阿蒙，個心點會睇得起CY。

上次APEC俄羅斯會議，CY被取消行程留港拆彈，已經好冇面。如果今後佢仍以為專搞「內交」就可討好新班子，肯定大錯特錯。中共新班子上場，CY已變成一個odd man！


添馬男