icecream444
引用:
原帖由 Crystal-Clear 於 2012-3-22 04:20 PM 發表
我睇晒你所講的事,我想問,今日既香港,是否你肯搏肯捱,就可以上位,可以賺到錢
你答我一句,你覺得現在公平嗎
如果覺得公平,就應該投唐英年
我都係70後,但唔代表70後同一睇法
今日既香港,我都覺得有需要改變
...
在全世界來講,我覺得香港..還是很繁榮,有希望,有機遇的
如果,你覺得不對,否定..
也只是人人性格不同,思維不同,行動力不同..
我父母..是在74年從鄉下來港,
75年我在香港出世,我算是土生土長吧
到現在,我媽媽還是很感激香港政府..
她說:在鄉下,無工作,無機會,自然就無得食..
一日到黑,強逼思想改造,搞批鬥大會,檢討大會,但就無諗過民生.. (其他細節,就不多講了)
就算有隻蕃薯,都不敢拿出來吃,怕俾鄰居眼紅..檢舉,或以其他事入罪/報復
總之,一日到黑搞批鬥,愈批愈密,愈鬥愈勁...搞到人心恐懼
做人,做到連吃的自由都無
咁大家話..做香港人,好不好丫?
來香港,媽媽話猶如天堂,係佢一生人幸福的開始..
佢話大住個肚,都搵織冷衫,穿膠花的工作,
佢話咁容易..就能買一條魚,一斤肉吃
爸爸亦搵到工..終於,能自由吃飯, 就算住板間房都算安樂窩
我媽媽回憶: 只有香港這麼好,做香港人真好,
去公立醫院生,醫院又乾淨又靚,護士又好,教佢點照顧BB,又送奶粉,又打針..
自由的吃,自由的說話,自由的到處逛..
而同時期,土共下的中國人..賤過地底泥
後來,以我媽媽咁勤力,咁積極既人..
當然,早就不住板間房了,漸變小康,中產..
現在,佢有幾間屋收租,又有小生意
而我結婚,組織新家庭..我兩公婆,亦好積極的,
老公晚晚開OT,又考專業牌
沙士,人人不敢買屋..沙士一過,我們就買了,
第一間屋100萬,9成按揭,亦早就換了幾次屋..
到現在樓價升了,看見賺錢了..又一群人,嘈住上不了車
咁我想問點解不一早..上車呢?
就算住公屋的,早幾年100萬的屋,9成按揭..(早兩年,百幾萬既樓,都大把選擇)
不要跟我講,連1成首期都拿不出來
咁就真係不適合上車
事實,就係睇見..近兩年,別人賺錢,樓換樓
就急啦,就嘈到拆天啦..
做人..結婚,置業,創業,都要講膽量,講計劃
無膽,無計劃,遲了,慢了..只懂怨人,怨社會,而不自我檢討
人工低,無車無樓既..關乎性格,膽識,行動力
係懶既..就要知自己懶,不關人事
在香港地,餓不死的,亦總有公屋住..
有些人還是很滿足生活,很快樂的
如果,你活得不快樂,排斥香港..純粹個人問題,不代表香港未日
香港,依然是很好的地方
我講左咁多..
希望,有人明白..我們上一代人,對香港的感恩,對土共的恐懼,
[ 本帖最後由 icecream444 於 2012-3-22 05:45 PM 編輯 ]
沒有留言:
張貼留言